TUMATAKOKIRI is our new rangatahi focussed show that is hosted and curated by Tara and Wairaka. Raised in Te Ao Maori, these two local cousins have a foot in both worlds and share their views and perspectives with other rangatahi who live in Tauranga Moana.
Catch them on the DRIVE show 3pm-7pm Mon-Fri
Wairaka Te Kira
Co-Host of Tumatakokiri
Ko Wairaka Te Kira tōku ingoa, 18 ōku pākeke. I tipu ake au i roto i te poho o Tauranga Moana, ki roto i te korowai aroha o Ngāti Hangarau, o Te Patuwai ki runga i te moutere o Mōtītī, ki Matanaka ano hoki. He uri whakaheke tēnei nō Ngāti Ranginui, Ngāti Awa, Ngāti Porou, Ngāpuhi anō hoki.
I taku whakatipuranga ko te ao Māori te pūtake o tēnei tamaiti, tīmata mai au ki roto i te Kōhanga Reo o Matapihi ki reira whakatipu ai, whakapuaki ai te reo Māori ki roto i tēnei o ngā kākano.
E tipu e rea mō ngā rā o tō ao ki ngā Kura Kaupapa Māori o Tauranga, ki Te Kura Kaupapa Māori o Otepou au kuraina, ā, ki Te Kura Kaupapa Māori o Te Kura Kōkiri (Te Wharekura o Tauranga Moana) au noho ai mō ngā tau 12, he tamaiti nō Te Aho Matua.
He tamaiti tēnei i tipu ake ki runga marae, ki runga atamira hakahaka ai, ki runga papa poitūkohu, ki roto wharekai, ki roro i te kōanga ngākau o tōna whānau, matua tupuna, kuia, koroua hoki.
Tarawhati Dekker
Co-Host Tumatakokiri
“He pai te mahi uaua mo te tipu o te tangata” T.Dekker 19.9.19
Iwi: Ngati Ranginui, Ngaite Rangi, Ngai Patuwai, Tainui
Hapu: Ngati Hangarau, Te Patuwai
Moutere: Motiti, Matakana
Tāpapa ana i te tihi o Mauao ka mātaki iho i ngā wai koiora, ngā papa makuru, ngā puke kōrero o tuaukiuki o nehe. Papaki tū ana ngā tai, whakarongo rā aku taringa ki te kikini o te rehutai. He poitki au nō tēnei whenua i whakatokia ai ite mauri o ōku tūpuna te arohanuitia nei e maimoatia nei e te ngākau. Peterehema, Mōtītī -nui-a-naki te tū aku kaumātua aku tūrangawaewae. I taku whakatipuranga ko te ao Māori te pūtake o tēnei tamaiti, tīmata mai au ki roto i te Kōhanga Reo o Matapihi ki reira whakatipu ai, whakapuaki ai te reo Māori ki roto i tēnei o ngā kākano. E tipu e rea mō ngā rā o tō ao ki ngā Kura Kaupapa Māori, ki Te Kura Kaupapa Māori o Otepou, ki Te Kura Kaupapa Maori o Mangere au kuraina, ā, ki Te Kura Kaupapa Māori o Te Kura Kōkiri (Te Wharekura o Tauranga Moana) au noho ai mō ngā tau 12, he tamaiti nō Te Aho Matua.
“Mauri mahi, mauri ora; mauri noho, mauri mate.”
